Транскрипција црквенословенског текста
Славски Тропари
Транскрипција црквенословенског текста
(Прва цифра означава датум по старом календару, а друга по новом)
Св. Василије Велики (1. тј. 14. јануара)
Тропар, глас 1:
Во всју земљу изиде вјешчаније твоје,
јако пријемшују слово твоје,
имже богољепно научил јеси,
јестество сушчих ујаснил јеси.
человјеческија обичаји украсил јеси,
царскоје свјашченије, отче преподобне Василије,
моли Христа Бога спастисја душам нашим.
Св. Јован Крститељ (7. тј. 20. јануара)
Тропар, глас 2:
Памјат праведнаго с похвалами,
тебје же довљејет свидјетељство Господње, Предтече,
показалбосја, јеси воистину и пророков честњејшиј:
јако и в струјах крестити сподобилсја јеси проповједанаго,
тјемже за истину пострадав радујасја,
благовјестил јеси и сушчим во адје
Бога јавлшагосја плотију,
вземљушчаго грејх мира,
и подајушчаго нам велију милост.
Св. Сава (14. тј. 28. јануара)
Тропар, глас 3:
Пути воводјашчаго в жизањ,
наставник и первопрестолник
и учитељ бил јеси
первјеје бо пришед,
свјатитељу Саво,
отечество твоје просвјетил јеси,
и породив тоје Духом Свјатим,
јако древа маслинаја,
в мислењем раји насадил јеси
всеосвјашченаја твоја чада:
тјем јако апостолом
и свјатитељем сопрестолна,
чтушче тја молим,
моли Христа Бога,
даровати нам велију милост.
Часне вериге Апостола Петра (16. тј. 29. јануара)
Тропар, глас 4:
Рима не остављ, к нам пришел јеси,
честними веригами,
јаже носил јеси, апостолов первопрестолне,
имже вјероју поклањајушчесја молимсја:
твојими к Богу молитвами
даруј нам велију милост.
Св. Атанасије (18. тј. 31. јануара)
Тропар, глас 4:
Боже отец наших,
творјај присно с нами по твојеј кротости,
не остави милост твоју от нас:
но молитвами их в мирје управи живот наш.
Света Три Јерарха (30. јануара тј. 12. фебруара)
Тропар, глас 4:
Јако апостолов јединонравнији,
и всељенија учитељије,
Владику всјех молите,
мир всељењеј даровати,
и душам нашим велију милост.
Св. Трифун (1. тј. 14. фебруара)
Тропар, глас 4:
Мученик твој, Господи, Трифон,
во страданији својем
вјенец пријат нетљениј от тебе Бога нашего:
имејејај бо крјепост твоју мучитељеј низложи,
сокруши и демонов немошчнија дерзости.
Того молитвами спаси души нашја.
Св. Симеон Богопримац (3. тј. 16. фебруара)
Тропар, глас 1:
Радујсја, благодатнаја Богородице Дјево,
из тебе бо возсија солнце правди Христос Бог наш,
просвјешчајај сушчија во тмје:
веселисја и ти, Старче праведниј,
пријемиј во објатија Свободитеља душ наших,
дарујушчаго нам воскресеније.
Свети Мученик Харалампије (10. тј. 23. фебруара)
Тропар, глас 4:
Мученик твој, Господи, Харалампиј...
(и даље као под 1. фебруаром).
Преподобни Авксентије (14. тј. 27. фебруара)
Тропар, глас 7:
Пустиниј житељ, и в тјелеси ангел,
и чудотворец јавилсја јеси,
богоносне отче наш Авксентије.
постом бдјенијем, молитвоју
небеснаја дарованија пријим,
исцјељајеши недужнија,
и души вјероју притекајушчих ти.
Слава давшему тебје крјепост,
слава вјенчавшему тја,
слава дјејствујушчему тобоју всјем исцјељенија.
Св. Великомученик Теодор Тирон (17. фебруара тј. 2. марта и у суботу прве недеље Часног поста)
Тропар, глас 2:
Велија вјери исправљенија,
во источницје пламене, јако на водје упокојенија,
свјати великомученик Теодор радовашесја:
огњем бо всесожегсја, јако хлеб сладкиј Тројицје принесесја.
Того молитвами, Христе Боже, спаси души нашја.
Св. Четрдесет Мученика – Младенци (9. тј. 22. марта)
Тропар, глас 1:
Бољезанми свјатих
имиже о тебје пострадаша
умољен буди, Господи,
и всја нашја бољезни исцјели,
Человјекољубче, молимсја.
Свети Алексије човек Божији (17. тј. 30. марта)
Тропар, глас 4:
Возвисивсја на добродјетељ
и ум очистив к желаному и крајњему достигал јеси:
безстрастијем же украсив житије твоје,
и пошченије изрјадноје воспријим совјестију чистоју,
в молитвах јако бесплотен пребиваја,
возсијал јеси јако солнце в мирје,
преблажене Алексије.
Благовести (25. марта тј. 7. априла)
Тропар, глас 4:
Днес спасенија нашего главизна,
и јеже от вјека тајинства јављеније:
Син Божиј, син Дјеви бивајет
и Гаврил благодат благовјествујет:
тјемже и ми с њим Богородицје возопијим:
Радујсја, благодатнаја, Господ с тобоју.
Св. и праведни Лазар (Лазарева субота)
Тропар, глас 1:
Обшчеје воскресеније,
прежде твојеја страсти увјерјаја,
из мертвих воздвигал јеси Лазарја, Христе Боже,
тјемже и ми јако отроци
побједи знаменија носјашче,
тебје побједитељу смерти вопијем:
Осана во вишњих,
благословен грјадиј во имја Господње.
Свети Георгије (23. априла тј. 6. маја)
Тропар, глас 4:
Јако пљених свободитељ,
и нишчих зашчититељ
немошчствујушчих врач,
цареј поборниче,
побједоносче, великомучениче Георгије,
моли Христа Бога
спастисја душам нашим.
Свети Еванђелист Марко (25. априла тј. 8. маја)
Тропар, глас 3:
Апостоле свјатиј и евангелисте Марко,
моли милостиваго Бога,
да прегрјешениј остављеније
подаст душам нашим.
Свети Василије Острошки (29. априла тј. 12. маја)
Тропар, глас 4:
От јуности твојеја всего себе Господеви отдал јеси,
пребиваја в молитвах, трудјех и постјех, оче богоносне:
образ бил јеси добродјетељи својему стаду,
сего ради видја Бог твоје благоје произвољеније,
постављајет тја својеј церкви пастирја
и добљаго архијереја,
и по престављенији твојем собљуде
свјатоје тјело твоје нерушимо,
свјатитељу Василије:
тјемже јако имјеја дерзновеније
молисја Христу Богу
спастисја душам нашим.
Свети Пророк Јеремија (1. тј. 14. маја)
Тропар, глас 2:
Пророка твојего Јеремији памјат, Господи, празнујушче,
тјем тја молим:
Спаси души нашја.
Пренос моштију Светог Николе (9. тј. 22. маја)
Тропар, глас 4:
Приспје ден свјетлаго торжества,
град Барскиј радујетсја
и с њим всељенаја всја ликовствујет,
пјесанми и пјенми духовними:
днес бо свјашченоје торжество,
в пренесеније честних и многоцјелебних мошчеј,
свјатитеља и чудотворца Николаја
јакоже солнце незаходимоје
возсија свјетозарними лучами,
разгоњаја тму искушениј же и бјед
от вопијушчих вјерно:
спасај нас јако предстатељ наш,
великиј Николаје.
Свети Кирило и Методије (11. тј. 24. маја)
Тропар, глас 4:
Јако апостолом јединонравнији
и словенских стран учитељије,
Кириле и Методије богомудрији,
Владику всјех молите,
всја јазики словенскија утвердити
в православији и јединомислији,
умирити мир и спасти души нашја.
Свети Константин и Јелена (21. маја тј. 3. јуна)
Тропар, глас 8:
Креста твојего образ на небеси видјев
и јакоже Павел званије не от человјек пријем,
в царјех апостол твој, Господи,
царствујушчиј град в руцје твојеј положи,
јегоже спасај всегда в мирје,
молитвами Богородици,
једине человјекољубче.
Свети Апостоли Вартоломеј и Варнава (11. тј. 24. јуна)
Тропар, глас 3:
Апостоли свјатији молите
милостиваго Бога,
да прегрјешениј остављеније
подаст душам нашим.
Свети Пророк Јелисеј (14. тј. 27. јуна)
Тропар, глас 4:
Исти као и светог пророка Илије (20. јула)
Свети Кнез Лазар (15. тј. 28. јуна)
Тропар, глас 3:
Красоту возжељев слави Божија,
во земњеј тому благоугодил јеси:
и поручениј ти талант
добрје воздјелав усугубил јеси.
о њемже и подвизавсја до крове,
отонудуже и мзду бољезнеј твојих
јако мученик пријал јеси от Христа Бога:
јегоже моли спастисја,
појушчим тја Лазаре.
Рођење Светог Јована Крститеља
Ивандан (24. јуна тј. 7. јула)
Тропар, глас 4:
Пророче и предтече пришествија Христова,
достојно восхвалити тја недоумјејем ми,
љубовију чтушчији тја:
неплодство бо рождшија
и отчеје безгласије разрјешисја,
славним и честним твојим рождеством,
и воплошченије Сина Божија
мирови проповједујетсја.
Свети Апостол Петар и Павле (29. јуна тј. 12. јула)
Тропар, глас 4:
Апостолов первопрестолници,
и всељенија учитељије,
Владику всјех модите:
мир всељењеј даровати,
и душам нашим велију милост.
Свети Великомученик Прокопије (8. тј. 21. јула)
Тропар, глас 4:
Мученик твој, Господи, Прокопиј,
во страданији својем
вјенец пријат нетљениј от тебе Бога нашего:
имјејај бо крјепост твоју мучитељеј низложи,
сокруши и демонов немошчнија дерзости.
Того молитвами спаси души нашја.
Свети Арханђео Гаврило (13. тј. 26. јула)
Тропар, глас 4:
Небесних војинстав, Архистратиже,
молим тја присно ми недостојнији,
да твојими молитвами оградиши нас
кровом крилу невешчественија твојеја слави,
сохрањаја нас припадајушчих приљежно и вопијушчих:
От бјед избави нас, јако чиноначалник вишњих сил.
Света Великомученица Марина –
Огњена Марија (17. тј. 30. јула)
Тропар, глас 4:
Агница твоја, Исусе, Марина
зовет велијим гласом:
тебе, женише мој, љубљу,
и тебе ишчушчи страдалчествују,
и сраспинајусја и спогребајусја крешченију твојему,
и стражду тебе ради
јако да царствују в тебје,
и умирају за тја
да и живу с тобоју:
но јако жертву непорочнују прими мја
с љубовију пожершујусја тебје:
тоја молитвами,
јако милостив спаси души нашја.
Свети Пророк Илија (20. јула тј. 2. августа)
Тропар, глас 4:
Во плоти ангел, пророков основаније,
вториј предтеча пришесвија Христова
Илија славниј,
свише пославиј Јелисејеви благодат,
недуги отгоњати и прокаженија очишчати:
тјемже и почитајушчим јего точит исцјељенија.
Света Марија Магдалина – Блага Марија (22. јула тј. 4. августа)
Тропар, глас 1:
Христу нас ради од Дјеви рождшемусја,
честнаја Магдалина Марија посљедовала јеси,
того оправданија и закони храњашчи:
тјемже днес всесвјатују твоју памјат празнујушче,
грјехов разрјешеније молитвами твојими пријемљем.
Света Мученица Параскева – Трнова Петка (26. јула тј. 8. августа)
Тропар, глас 4:
Агница твоја, Исусе, Параскева...
(и даље као под 17. јулом)
Свети Пантелејмон (27. јула тј. 9. августа)
Тропар, глас 3:
Страстотерпче свјатиј
и цјелебниче Пантелејмоне,
моли милостиваго Бога,
да прегрјешениј остављеније
подаст душам нашим.
Преподобна мајка Ангелина, деспотица српска (30. јула тј. 12. августа)
Тропар, глас 8:
В тебје мати извјестно спасесја, јеже по образу:
пријимши бо крест, посљедовала јеси Христу,
и дјејушчи учила јеси презирати убо плот преходит бо,
приљежати же о души вешчи бесмертњеј,
тјемже и со ангели срадујетсја,
преподобнаја Ангелино, дух твој.
Свети мученици Макавеји (1. тј. 14. августа)
Тропар, глас 1: (као под 9. мартом)
Пренос моштију Светог Стефана (2. тј. 15. августа)
Тропар, глас 4:
Царским вјенцем вјенчасја твој верх
от страданиј јаже претерпјел јеси по Христе Божје,
мучеников первострадалче Стефане,
ти бо јудејскоје обличивиј неистовство
видјел јеси твојего Спаса одеснују Отца:
того убо моли о душах наших.
Преображење Господње (6. тј. 19. августа)
Тропар, глас 7:
Преобразилсја јеси на горје, Христе Боже,
показавиј учеником твојим славу твоју,
јакоже можаху:
да возсијајет и нам грјешним свјет твој присносушчниј,
молитвами Богородици, свјетодавче, слава тебје.
Успење пресвете Богородице – Велика Госпојина
(15. тј. 28. августа)
Тропар, глас 1:
В рождествје дјевство сохранила јеси,
во успенији мира не оставила јеси, Богородице:
преставиласја јеси к животу мати сушчи живота,
и молитвами твојими
избављајеши от смерти души нашја.
Свети Мученик Агатоник (22. августа тј. 4. септембра)
Тропар, глас 4:
Мученици твоји, Господи,
во страданијих својих
вјенци пријаша нетљенија от тебе Бога нашего:
имушче бо крјепост твоју, мучитељеј низложиша,
сокрушиша и демонов немошчнија дерзости.
Тјех молитвами спаси души нашја.
Свети Мученик Адријан и Наталија
(26. августа тј. 8. септембра)
Тропар као под 22. августом.
Усековање Светог Јована Претече (29. августа тј. 11. септембра)
Тропар, глас 2:
Памјат праведнаго с похвалами,
тебје же довљејет свидјетељство Господње, Предтече,
показалбосја јеси воистину и пророков честњејшиј:
јако и в струјах крестити сподобилсја јеси проповједанаго,
тјемже за истину пострадав радујасја,
благовјестил јеси и сушчим во адје
Бога јавлшагосја плотију,
вземљушчаго грјех мира,
и подајушчаго нам велију милост.
Свети Александар Невски (30. августа тј. 12. септембра)
Тропар, глас 4:
Познај своју братију, росијскиј Јосифе,
не в Египтје но на небеси царствујушчиј,
благовјерниј књаже Александре,
и прими мољенија их,
умножаја жита људем
плодоносијем земљи твојеја,
гради владичествија твојего ограждаја мољенијем:
и насљедником твојим на сопротивнија споборствуја.
Свети Симеон Столпник (1. тј. 14. септембар)
Тропар, глас 1:
Терпјенија столп бил јеси,
ревновавиј праотцем преподобне,
Јову во страстех, Јосифу во искушенијих,
и безплотних житељству, сиј в тјелеси, ,
Симеоне отче наш,
моли Христа Бога спастисја душам нашим.
